БАЙМАҠ РАЙОНЫНАН ҺУҒЫШҠА 16324 КЕШЕ КИТКӘН.
Районыбыҙҙан киткән һалдаттар араһынан 7000-дән ашыу кеше һәләк булған йәки хәбәрһеҙ юғалған.
Районыбыҙҙан 25 ҡатын-ҡыҙ һуғышта ҡатнашҡан.
Темәс ауыл советынан фронтҡа китеүселәр – 590
Хәбәрһеҙ юғалғандар – 63
Һәләк булғандар – 310
Ғәзиз еренә әйләнеп ҡайтҡандар – 243

Еңеүҙең 55 йыллығын ауыл советынан 30 ветеран ҡаршыланы.

Бөгөн беҙҙең арала – ни бары 6 фронтовик. Йәнә 2-һе Сибай ҡалаһында йәшәй.
65-се Еңеү яҙын Темәс ауыл советынан ҡаршы ала:

ИСХАҠОВ Фәрит Баһауетдин улы
1925 йылда тыуған. Хәрби юлын 1942 йылда башлаған. Смоленск янында, Ленинград һәм Прибалтика фронттарында һуғышҡан.
Дүрт тапҡыр яраланған.
«За отвагу», «За боевые заслуги», «За победу над Германией» миҙалдары менән бүләкләнгән.

ЯХИН Салауат Хәбиб улы
1924 йылда тыуған.
1942 йылда Ҡыҙыл Армия сафына алынған. Курск янындағы алышта ҡатнашҡан, 293-сө гвардия полкы сафында Белорус фронтында һуғышҡан. Унда 1944 йылдың 24 июнендә икенсегә яраланған, контузия алған.
Бихисап хәрби наградаларға эйә.

НИҒМӘТУЛЛИН Тәлғәт Шәрип улы
1927 йылда тыуған.
1944 йылда Ҡыҙыл Армия сафына алынған. Алыҫ Көнсығыш хәрби округында хеҙмәт иткән, Япония менән һуғышта ҡатнашҡан.
«За отвагу», «За победу над Японией», Жуков исемендәге миҙалдарға, II дәрәжәләге Ватан һуғышы орденына эйә.

ИРНАЗАРОВ Абдулхалиҡ Мөхәммәҙи улы
1927 йылда тыуған. 1944 йылда Ҡыҙыл Армияға алынған. Разведчик, водитель- механик (СУ- 100) булып хеҙмәт иткән, Япония менән һуғышта ҡатнашҡан.
«За победу над Японией» миҙалына, II дәрәжәләге Ватан һуғышы орденына эйә.

СӨЛӘЙМӘНОВ Ғөбәйҙулла Кәлимулла улы
1924 йылда Бетерә ауылында тыуған.
Хәрби юлы 1942 йылдан башланған. Взвод командиры, лейтенант.
Еңеү көнөн госпиталдә ҡаршылаған. Жуков исемендәге миҙал, Ватан һуғышы ордены менән бүләкләнгән.

ЙОСОПОВ Әхмәтшәриф Мырҙағәле улы – 1919 йылда тыуған, 1940 йылда Ҡыҙыл Армияға алынған. Һуғыш башланғанға тиклем Алыҫ Көнсығышта 35-се уҡсылар дивизияһында хеҙмәт итә. 1942 йылда командир дәрәжәһен ала. 1945 йылда Япония менән һуғышта ҡатнаша (Манчжурия). 1946 йылда тыуған яғына ҡайта.
II дәрәжәләге Ватан һуғышы орденына, Жуков исемендәге һәм башҡа миҙалдарға эйә

ИРНАЗАРОВ Әкрәм Исмәғил улы
1926 йылда тыуған.
Фронтҡа 1942 йылдың көҙөндә саҡырылған. Украина фронтында хеҙмәт иткән. Чехословакия һәм Польшаны азат итеүҙә ҡатнашҡан. Һуғыштан һуң бандеровсыларға ҡаршы көрәштә ҡатнашҡан.
Әлеге ваҡытта Сибай ҡалаһында йәшәй.

СОЛТАНГИЛДИН Ғәлимйән Шакир улы
1925 йылда тыуған.
1944 йылда Ҡыҙыл Армияға алынған 2-се Украина фронты сафында Румыния, Венгрия, Чехословакия, Австрияны, Прага һәм Будапешт ҡалаларын азат итеүҙә ҡатнашҡан.
Ватан һуғышы орденына, «За победу над Германией», Жуков исемендәге һәм бик күп башҡа миҙалдарға лайыҡ булған.
Әлеге ваҡытта Сибай ҡалаһында йәшәй.