Һайланмаға өҫтәргә  |  RSS 2.0
Беҙҙең турала  |  Мәғлүмәт  |  Бәйләнеш
Эҙләү: Ентекле эҙләү
Теркәлеү
Оноттоғоҙмы?
Танылыу

Юлдаш
Дуҫтарыбыҙ

Календарь
«    Алағарай 2014    »
ДШшШрКЙШбЙш
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 




     
 
» Алыҫ Нью-Йорктарҙан сәләм!..
30-03-2014, 12:32 | Баш бит | автор: Ilsur | Уҡылды: 809
"Ҡомартҡы" сайтының инглизсә бүлеген булдырыусы, алдынғы фекер йөрөтөүсе, әлеге көндә Нью-Йоркта Азат кейәүебеҙ, Асҡар улдары менән йәшәүсе тырыш, ихлас күңелле һеңлем, Темәс ҡыҙы Линера Юламанованың «Юлдаш» радиоһы каналына, матур исемле, матур тауышлы алып барыусы Сәмиғә Ғафарованың «Башҡорттар» тапшырыуына биргән интервьюһы:

 
| | Комментарийҙар (0) | Уҡырға
 

» Беҙ үҙебеҙ — башҡорттар!
29-03-2014, 11:42 | Баш бит | автор: Ilsur | Уҡылды: 76
Беҙ үҙебеҙ — башҡорттар,
Күп ырыуға баш йорттар.
Беҙҙә гәүһәр, беҙҙә йәүһәр,
Беҙҙә һәр бер ашлыҡтар.

Беҙҙә тиңһеҙ сәхрәләр.
Сәхрәләр — ожмах улар;
Унда гөлдәр тирбенеп,
Йәмләнергә саҡыралар.

Унда ҡоштар һайраша,
Күлдә ҡамыш шаулаша.
Ҡамыш буйы әрүшә,
Тамаша, әй тамаша.

Беҙҙә ҡалын урмандар,
Беҙҙә данлы Урал бар;
Урал аҫты алтындыр,
Өҫтә — шәфҡәт балҡыйҙыр.

Һиҙен, башҡорт, бәхетеңде,
Төшөн, башҡорт, атыңды;
Күрер өсөн тәхетеңде,
Истиҡбалың алтынлы.

Шайхзада Бабич
 
| | Комментарийҙар (0) | Уҡырға
 

» Бындай милли кадрҙар булғанда – дошмандар кәрәкмәй!
23-01-2014, 20:16 | Баш бит | автор: Ilsur | Уҡылды: 559
«Милләтебеҙ…», - тип күкрәк киреп төрлө трибуналарҙан хәбәр йөрөтәбеҙ, телевидение-радиола әллә күпме тапшырыуҙар, гәзит биттәрендә бөтмәҫ мәҡәлә-яҙмалар, йыйындар, ҡорҙар, тағы әллә күпме осрашыу-конференция-фәләндәр… Тик былар барыһы буш! Күп осраҡта буш ҡына ла түгел, ә бюджет аҡсаһына ойошторолоп, юл сығымдарын, ашап-эсеү, гостиница-торлаҡҡа урынлашыу хаҡтарын иҫәпләһәк, хөкүмәт аҡсаһын әрәм-шәрәм итеү генә.
Аҡты – аҡ, ҡараны – ҡара тип әйтергә эшкинмәй тороп, милләтебеҙҙең үҫеүенә, алға китеүенә өмөтләнергә лә кәрәкмәй.
Ҡайҙа ғына ҡарама – ялғанлыҡ, ярамһаҡланыу, хөсөт, ғәйбәт, алдаҡ.
Ошоға хәтлем президентыбыҙ Мортаза Ғөбәйҙулла улы булды – ул башҡорт, Баймаҡ районы башлыҡтары Ситдыҡов Илшат Хәмит улы, Сәйетов Рөстәм Рафаил улы – башҡорттар, 9 йыл РОНО начальнигы Ильясов Ринат Фазыльян улы, почетный работник общего образования Российской Федерации – башҡорт, Темәс силсәүите етәкселәре бөтөнөһө лә башҡорттар: Йәнсурин Р.Х., Арыҫланов Р.М, Камалитдинов Б.Т, һуңғы 12 йыл Темәс мәктәбенең директоры заслуженный уҡытыусы Ғәйнәнова Зөлхизә Кәлимулла ҡыҙы булды – ул да башҡорт…
Башҡортостандың беренсе баш ҡалаһы Темәс ауылында былтырғы уҡыу йылында беренсе синыфта туған башҡорт телле класс булманы. Ауылда 96% самаһы башҡорттар йәшәй, ә башҡорт класы юҡ! Нонсенс! Был хәлдә «яуыз хәмитовтар» оптимизациялары менән ғәйепле түгел, урындағы юғары белемле башспециалисттарҙың йылдар буйы эшләгән (дөрөҫөрәге эшләмәгән) эштәренең һөҙөмтәһе.
Кем ҡамасауланы юғарыларға Темәс мәктәбендә башҡорт телен (милләтебеҙҙе, тип уҡыу хата булмай) үҫтерергә? Үҫтереү, имеш, - исмаһам, барын кәметмәһәләр ине!
Бик ихлас, белемле, сәмле башланғыс класс уҡытыусыһы менән аралашам, ул проблеманы эстән белә. «Мин балаларҙы тырышып уҡытам, белем бирәм, тик өлкән синыфҡа күсһәләр, балаларымды белемһеҙ, тәжрибәһеҙерәк, урыҫ кластарынан «по остаточному принципу» артып ҡалған уҡытыусыларға бирәләр. Ҡанаттары нығына ғына башлаған һәләтле балаларымдың уҡыуы күҙ алдымда насарая, уҡыуға дәрттәре һүнә...» Башҡорт кластарына «көсһөҙ» уҡытыусыларҙы мәктәп администрацияһы тәғәйенләй. Аңлауы ҡыйын түгел, башҡорттарҙан торған мәктәп администрацияһы башҡорт телле балларға ярҙам итмәй, ә киреһенсә, ярҙан этә! Ниндәй ата-әсәләр күрәләтә балаһын белемһеҙ уҡытыусыға бирергә теләр?!. Ошонан ата-әсәләр балаларын көслө уҡытыусылы урыҫ класстарына бирә.
Темәстә 2001 йылда бөйөк шәхесебеҙ А.З.Вәлидигә бюст астылар, был бик яҡшы эштең башы булды. Вәлидиҙең ҡыҙын, улын Темәскә 2-3 тапҡыр саҡырып, осрашыуҙар ойошторҙолар. Был эште Ситдыҡов И.Х., Йәнсурин Р.Х. башҡарҙы. Афариндар! Тик бюст ҡуйыу оло эштең беренсе аҙымы ғына булырға тейеш ине, ә эшкә оло нөктә түгел!
Һис шикһеҙ, ошоғаса Темәс мәктәбе кәмендә лицей исемен йөрөтөргә тейеш ине. Лицей – тимәк бөтөнләй икенсе, юғарыраҡ уҡыу-уҡытыу кимәле. Башҡаса кимәлдәге бюджет. Юғары белемле, рухлы, тырыш, сәмләнеп эшләүсе уҡытыусылар… Төрлө олимпиада-конкурстарҙа актив ҡатнашып, аралашып, тәжрибә йыйған уҡыусылар… Иң мөһиме, «конкурентноспособный» башҡорт балалары…
Бюст ҡуйыу эшенең дауамы итеп мәктәбебеҙҙә ысын башҡорт рухлы тере «вәлидиҙәр»ҙе тәрбиәләргә кәрәк ине.
Бының өсөн бөтөн мөмкинлектәр булды, Темәс мәктәбе районда электән ҡараулы, етеш мәктәптәрҙең береһе. 2009 йылдың авгусында үткән уҡытыусылар конференцияһына бюджеттан бүленгән аҡсаға Темәс мәктәбен танымаҫлыҡ итеп яңырттылар, уҡытыу процесына кәрәкле төрлө техника-фәлән менән йыһазландырҙылар. Яҡшы етәксегә рухлы, тырыш, профессиональ уҡытыусылар туплап эшләргә генә ҡалғайны…
Фекер: юғарылағы етәксе түбәндәгеһен һайлап, эшкә тәғәйенләп ҡуя, тимәк уның профессионализм кимәле һәм эштәренең һөҙөмтәһе өсөн яуаплы.
Һорау: кәрәкме беҙҙең башҡорт етәкселәребеҙгә милләтебеҙҙең үҫеүе? Кәрәкме юғарылағыларға туған тел, әсә теле – башҡорт теле?
Һығымта: И. Сталиндың «Кадры решают все» тигән тапҡыр һүҙен хәҙерге түрәләр белмәй, ахырыһы. Дөйөм алғанда, түрәкәстәр китап уҡымай тип беләм, юғиһә, урын биләгән китап уҡыусы кеше милләтенә файҙа килтерергә тырышыр ине. Хәҙер иһә етәкселеккә кем гел «ЗА», кем өндәшмәй, кем ҡушҡанды уйламай ғына эшләй, шундайҙар ҡуйыла.
Һәм, классик әйтмешләй, «воз и ныне там…»
 
| | Комментарийҙар (1) | Уҡырға
 

» Башлыҡҡа исем?!.
15-11-2013, 13:17 | Баш бит | автор: Ilsur | Уҡылды: 5722
Таптылар бит хәҙер әмәлен:
Илде "йыйып" ҡуйыу ғәмәлен!
Һорамайҙар бер ни халыҡтан:
Фарман биреп алыҫ-алыҫтан,
Башһыҙ башҡа исем эҙләйҙәр,
Көнбайыштан хәлде күҙләйҙәр.

Һорамайҙар: бармы тип эшең!?
Һорамайҙар: бармы тип ашың!?
Айнынымы халыҡ тимәйҙәр,
Көнбайышты һаман күҙләйҙәр!

Нисек аҫрай ҡарттар йәндәрен?!
Һорамайҙар мәктәп хәлдәрен!
Һөйәк ташлағандай халыҡҡа
Исем таптыралар башлыҡҡа!

Һорамайҙар: нисек әсәләр?
Рәсәй бурлаҡтары - бисәләр!
Һорамайҙар: нисек аталар?
Дүрттең өсө ерҙә яталар...

Һорамайҙар нисек балалар?
Ауыл хәлен белмәй ҡалалар...
Исем таптыралар башлыҡҡа -
Эш таптылар эшһеҙ халыҡҡа!

Олатайҙар беҙҙең, их, ҡайҙа?
Исем табыу менән ни файҙа?

Йомаҡтағы кеүек был түрә:
Үҙе башһыҙ, үҙе төкөрә,
Үҙе башлыҡ, үҙе исемһеҙ,
Ғәмәлдәре шуға ғилемһеҙ.

Хакимдар ҙа беҙгә нимәгә?
Ултырталар төпһөҙ кәмәгә...
Сал быуаттар беҙҙең тупһала,
Киләсәккә улар уҡтала!

Һорамайҙар бер ни халыҡтан:
Бер ни ҡалмаҫ башһыҙ башлыҡтан...

Лариса АБДУЛЛИНА
 
| | Комментарийҙар (0) | Уҡырға
 

» Әбйәлилдә - ташҡын булһа, Баймаҡ районы Этҡолдың - үҙ батҡағы!
11-08-2013, 08:29 | Баш бит | автор: Ilsur | Уҡылды: 15335
Әбйәлилдә - ташҡын булһа, Баймаҡ районы Этҡолдың - үҙ батҡағы!Һуңғы көндәрҙә бөтә интернет селтәре Әбйәлилдәге ташҡын тураһындағы мәғлүмәт менән тулды. Эйе, бәлә ағас башынан йөрөмәй, кеше башынан йөрөй. Ҡот осҡос күренештәр. Кешеләргә Хоҙай түҙемлек бирһен.

Беҙҙә ундай емереклектәр юҡ, һыу ҙа баҫманы. Аллаға шөкөр тип әйтергә кәрәктер моғайын. Беҙҙә тиеүем - Баймаҡ районы 1-се Этҡол ауылы. Беҙҙең бәлә башҡараҡ - урамдарҙа малдар бата, кемдәрҙер һыйырҙарын урамдарына индерә алмайҙар. Ни өсөн тиһегеҙме? Ә хәл былайыраҡ. Йәй башында ауылға һыу "үткәрә" башланылар: барлыҡ урамдарҙа ла 2-2,5м тирәһе "траншеялар" ҡаҙып сыҡтылар, урыны менән торбалар ҙа һалып сыҡтылар. Тик күмергә әллә оноттолар, әллә кәрәк тип тапманылар - быныһы беҙгә ҡараңғы. Ҡайһы бер соҡорҙарҙы күмделәр инде, әммә оҙайлы ямғырҙар соҡорҙар ныҡлап күмелмәү сәбәпле уйылып төштө, торбалар өҫкә ҡалҡып сыҡты. Бер һүҙ менән әйткәндә траншея бутҡаға әйләнде. Мал йонсой, бата, аҙбарҙарына ҡайта алмай. Кисен бөтә ғаилә менән ҡаршылайбыҙ һыйырҙарҙы. Хатта кешеләр төшөп киткән осраҡтар ҙа бар. Ә бәләкәс балалар ҡолаһа нимә булыр?

Бындай күренеш оҙаҡҡа һуҙылырмы? Билдәһеҙ. Ә һыу һуң, һыу булырмы икән? Эштәр башланғас та хакимиәт башлығы "ура" ҡысҡырып телевидение саҡыртҡайны. БСТ-нан күрһәттеләр хатта. Имеш тә "һыуһыҙ интеккән, һыуға сарсаған" халыҡҡа ниһәйәт һыу үтәсәк. Тик ихаталар буйлап һанаһаң һыуһыҙ интеккән кеше юҡ! Эйе, булды шундай мәл. 10 йыл самаһы элек.

һыу булырмы? Әллә был сираттағы "отмывание денег"мы? Оҡшаш ситуациялар райондың башҡа ауылдарында ла күҙәтелә. Уларҙа һыу юҡ. Соҡорҙар күмелмәгән. Эштәр былтыр башланған да ташланған.

Йәшлек гәзите ВК-ла
 
| | Комментарийҙар (0) | Уҡырға
 

» “Монар”. Рәйес Түләк
25-06-2013, 10:23 | Башҡорт тарихы | автор: Ilsur | Уҡылды: 11026
“Монар”. Рәйес ТүләкҺуңғы һулышы кешенең зәңгәр була!-
Уралҡайым шуға зәп-зәңгәр.
Ҡасан аяҙыр һуң төйәккенәм,
Ҡасан туҡтар икән был ҡәһәр?

Зәңгәр томан кеүек иртә-кисен
Монарланып тауҙар торһалар –
Шулар бит һуң олатайҙар әйткән
Һуңғы аҙан, һуңһы доғалар.

Тереләргә ниҙер өндәшәләр
Ошо ер тип үлгән ҡыҙ-улдар.
Ағиҙелдең буйын аҡтар ҡырһа,
Ҡыҙыл буйын ҡырҙы ҡыҙылдар...

Урал имәндәрен забойҙарға
Терәү итеп ҡырҡҡан сағында,
Имән кеүек башҡорт егеттәре
Ҡырҡылдылар Рәсәй яуында.

Рәсәйгә дан биргән Алдарҙы ла
Үлтерҙеләр бит һуң язалап... -
Рәсәй яҙмышы ниңә беҙҙең яҙмыш?!
Беҙҙең яҙмыш һаман уға ят!

Халыҡ барыбер ерҙә тураҡланып,
Ат ҡойроғона бәйләп тағылмаҫ.
Килер ул көн: улар яҙмышы беҙгә,
Беҙҙең яҙмыш уларға ҡағылмаҫ.

...Зәңгәр томан – болот яралғыһы,
Ә ул болот бер саҡ ҡарайыр.
Йәшнәр йәшен, күпте күргән Урал
Йә ҡарайыр, йә көн аяҙыр...
 
| | Комментарийҙар (2) | Уҡырға
 

» "Матууууур" ғына итеп күндерәләр, ипләәәәәәп кенә күнәбеҙ...
23-06-2013, 10:57 | Баш бит | автор: Ilsur | Уҡылды: 3608
"Матууууур" ғына итеп күндерәләр, ипләәәәәәп кенә күнәбеҙ...Бер заман паспорттағы милләт тигән урын матуууур ғына итеп төшөп ҡалғайны, ипләәәәәп кенә күндек тә ҡуйҙыҡ. Беҙ барыбыҙ ҙа Рәсәй Федерацияһы граждандары ғына, милләтебеҙ - юҡ!!! Республика Президентын һайлау хоҡуғыбыҙ ҙа бер заман "матуууур" ғына итеп әллә ҡайҙа ғәйеп булды ла, килтереп ултыртҡандарға беҙ ипләәәәәп кенә риза булдыҡ. Әйткәндәй, Рәсәй Президентын "һайлау" тигән хоҡуғыбыҙ ҙа матуууур ғына итеп, үҙ асылын үҙгәртеп ебәрҙе: һайлау түгел, һайлатыу, һайларға мәжбүр итеү принцибын алды. Ниңә уны дөрөҫ кенә итеп Президент һайлатыу тип атамаҫҡа? Юҡ инде, матууууур ғына итеп иңдерергә кәрәк бит халыҡ аңына!

Ә инде "түр башына" үҙ кешеләрен тәғәйенләүгә өлгәшкәс, халыҡ аңын томалауҙар тиҙәйеп тә, йышайып та китте. Бына, мәҫәлән, ҡасандан бирле матбуғат, телевидение, радио аша Башҡортостан Республикаһы тигән һүҙ төбәк тип кенә әйтелә. Башҡортостан Республикаһы Президенты - төбәк башлығы, беҙ - төбәк халҡы, һ.б. Мәғлүмәт ярҙамында матуууур ғына итеп, ипләәәәп кенә һеңдерелә килә кеше аңына. Шәп алым, эйеме? Тамсы тама-тама ташты яра бит ул. Төбәк, етәксе... Шулай тимәй ни, төбәктең Президенты буламы ни?! Президент бит ул - үҙ Конституцияһы, Закондары, Республика тигән статусы булған илдең, йәки дәүләттең башлығы. Өҫтәүенә Президент һайлауға халыҡтың хоҡуғы ла бар бит әле...

Республика тигән һүҙ телдән генә түгел, ә шул юғары статусты йөрөткән ҡайһы бер учреждениелар аталышынан да ипләәәәп кенә, шыыыыым ғына төшөп ҡалды. Мәҫәлән, иң шәп шәхестәрҙе тәрбиәләп сығарыусы алдынғы гимназияларыбыҙ хәҙер РБГИ түгел, БГИ ғына, ундай миҫалдар тулып...
 
| | Комментарийҙар (1) | Уҡырға
 

» Монгол егете Удаму...
20-06-2013, 19:41 | Халыҡ һөнәрҙәре | автор: Ilsur | Уҡылды: 4568
Битараф ҡалып булмай...


Монар эсенән нурға ҡойоноп
Әсәйем–бәғерем ҡараған төҫлө
Ҡайтыуҙарымды өҙөлөп көтәлер
Миңә инселәп ҡоя һөт өҫтө

Яҡында ғына кеүек әсәйем
Алиһәм итеп уны иҫләйем.

Күктәрҙә йөҙә ҡыйғас болоттар
Әсәм доғаһы уларҙан килде
Сәй ҡайнатҡан, ти, ҡуйып усаҡҡа
Күҙен талдырып көтәлер инде

Яҡында ғына кеүек әсәйем
Алиһәм итеп уны иҫләйем.

Күгәреп ятҡан тауҙарға табан
Улыҡайыңдың тотҡан юл башы.
Етлегеп килә һинең ҡәҙерлең
Яҡты хыялы булыр юлдашы

Яҡында ғына кеүек әсәйем
Алиһәм итеп уны иҫләйем.

Монголсанан тәржемә: Гүзәл Ситдыҡова
 
| | Комментарийҙар (4) | Уҡырға
 

» Юлдаш йыры - 2013
26-04-2013, 16:24 | Башҡорт халыҡ йырҙары | автор: Фарит | Уҡылды: 9058
Конкурстың икенсе турына кемдәрҙең үтере һеҙгә бәйле, хөрмәтле тыңлаусылар! Тауыш бирегеҙ!

Фәрит ағай Йосопов
Баймаҡ районы Темәс ауылынан. 57 йәш. Әлеге көндә ветеринар булып эшләй. Халыҡ күңелендә шатлыҡ хистәре уятыу, тыуған ер тарихына, үткәненә битараф булмау, уны ныҡлы өйрәнеү бурысын Фәрит ағай үҙенең йәшәү маҡсаты итеп ҡуя. Шуға ла конкурсантыбыҙ күберәк патриотик рухлы йырҙарға өҫтөнлөк бирә.

Башҡорт халыҡ йыры «Азамат»




«Әминем — тыуған ауылым» (Илнур Ғүмәров һүҙҙәре, Вилүр Мәүлетов көйө)

 
| | Комментарийҙар (0) | Уҡырға
 

» Күп осраҡта баштан себен осорабыҙ түгелме?!
24-04-2013, 21:30 | Баш бит | автор: Фарит | Уҡылды: 3947
Ябылды... Был һүҙ күп һүҙҙәр менән бәйләнешкә инә. Мәҫәлән: төрмәгә ябылды, мәктәптәр ябылды, ауыҙ ябылды һәм башҡалар.
Нисәнсе йыл булғандыр, хәҙер анығын әйтә алмайым. Мәскәүҙәге милли мәктәптәр институты директорының фән буйынса урынбаҫары Нариман Мирсәйет улы Хәсәнов миңә шылтыратты. Баҡтиһәң, Амур өлкәһендәге бер башҡорт ауылына башҡорт теле уҡытыусыһы кәрәк икән. Бындағы түрәләргә мәсьәләнең айышын аңлатып маташҡансы, Татарстандан ул ауылға татар теле уҡытыусыһы барып та төшкән. Шулай итеп, күҙ менән ҡаш араһында бер башҡорт ауылы ябылды.
Ырымбур дәүләт педагогия университетында башҡорт-татар бүлеге ябылды. Ошонда уҡ 3-сө педагогия училищеһының башҡорт-татар бүлеге ябылды. Ырымбур өлкәһенең 50-нән ашыу мәктәбендә предмет рәүешендә башҡорт телен өйрәнеү ябылды.

Һанай китһәң, ундай ябылыуҙарҙан сәстәр үрә торор. Силәбе ҡалаһындағы ике педучилищела башҡорт телен өйрәнеү туҡтатылды. Арғаяш педучилищеһы ябылды. Силәбе дәүләт университетындағы башҡорт төркөмө ябылды. Рәсәй Мәғариф министрлығы ҡарамағындағы Мәғарифтың милли проблемалары институтының Башҡортостан филиалы ябылды. Ай-һай, был исемлек күпме дауам итер икән? Эй, халҡым, ниңә ауыҙ асып өндәшмәйһең? Юҡмы ни арабыҙҙа туған теле өсөн янып-көйгән башҡорт зыялылары? Ошо тауышым, оран булып, эсендә йәне, ғәме, сәме булған кешеләр араһына таралһа ине...
Рәсәй Мәғариф министрлығы ҡарамағындағы Мәғарифтың милли проблемалары институтының Башҡортостан филиалы ғалимдары күрше өлкәләрҙең мәғариф етәкселәре менән һәр саҡ бергәләшеп хеҙмәттәшлек итте. Шуның һөҙөмтәһендә Ырымбур өлкәһенең — 56, Силәбе өлкәһенең — 100-гә яҡын, Һамар өлкәһенең — 8, Һарытау өлкәһенең 7 мәктәбендә башҡорт теле аҙнаһына өс сәғәт күләмендә мәктәп...
 
| | Комментарийҙар (0) | Уҡырға
 


Уҡымлылар
» » Алыҫ Нью-Йорктарҙан сәләм!..
» Беҙ үҙебеҙ — башҡорттар!
» Ғәскәр доғаһы

«Урал» фонды

«Остаз»

«Киске Өфө» гәзитенең сайты

«Bashqort.Com»

«Kuk bure»










Сайт үҫешенә ярҙам

Яндекс.Деньги

41001328785603

WebMoney
WMR - R899645810496
WMZ - Z253733002314
WME - E370128276094

Башҡортостаным
яңылыҡтары
Шаршау күтәрелде

"— Нимә-ә?! Ниндәй детдом? — Әлиәнең йөҙө үҙгәреп китте, бына-бына күҙ йәштәре сығыр төҫлө. Үҙемде иң көсһөҙ кеше итеп тойҙом шул мәлдә. Эйе, көсһөҙ. Алдағы көндәремде, ҡайҙа йәшәйәсәгемде, кем менән ...

Һәр дәүер гәзите менән көслө

Матбуғат ҙур ҡеүәткә эйә. Шуның өсөн дә борон-борондан, бәләкәй генә дәүләтме, милли ойошмамы, барыһы ла иң элек гәзитен булдырған, йәғни үҙе хаҡында барлыҡ донъяға хәбәр таратҡан. Һәр баҫма ...

Олатайҙар "дедсад"ҡа йөрөй

— Ейәндәрем минең көн дә иртән йыйынып "дедсад"ҡа йөрөүемә өйрәнеп бөткән инде. "Өләсәй, бөгөн дә баҡсаға уйнарға бараһыңмы? Унда уйынсыҡтар күпме?" — тип һорап йөҙәтеп бөтөрә бәләкәстәрем. "Юҡ, ...

Гиннесс китабына ингән

Янбарис ауылында йәшәгән Ингел Садиҡов – бар донъяға билдәле шәхес. Гер спортындағы юғары күрһәткестәре өсөн ул халыҡ-ара “Ҡанатлы арыҫлан” ордены менән бүләкләнгән, исеме Гиннесстың рекордтар ...

Һөнәре – шахтер, булмышы – көрәшсе

Хәйбулланың данлыҡлы улы Ғаззали Үтәшевтең тыуыуына 105 йыл тулыуға арналған милли көрәш бәйгеһендә Көньяҡ Уралдағы йөҙҙән ашыу спортсы ҡатнашты. Бил бирмәҫ батыр Ғаззали Үтәшевтең даны ...

Директорыбыҙҙың ышанысын аҡланылар

Билдәле булыуынса, быйыл Рәми Ғарипов исемендәге 1-се башҡорт республика гимназия-интернаты күркәм байрамын — 70 йыллығын — билдәләй. Әле ошо уңайҙан уҙғарыласаҡ сараларға әҙерлек бара. ...

Алмаш үҫтерәйек: башланғыс дауам итер

Республикабыҙҙа, илебеҙҙә дини тәрбиәгә иғтибар арта барыуы һәр кемгә мәғлүм. Шуны ла беләбеҙ: үҙеңә алмаш үҫтермәйһең икән, башланғыстың ғүмерле булырына иҫәп тотоу мөмкин түгел — ул бер урында ...


Һорау

Әйе
Юҡ



Баш бит  |  Теркәлеү  |  Яңылыҡ өҫтәргә  |  Яңылар  |  Мәғлүмәт  |  Бәйләнеш
© 2009-2013 http://komartky.ru/. Хоҡуҡтар һаҡланған.
Сайттың материалдарын тулыһынса йәки өлөшләтә файҙаланғанда http://komartky.ru/-ға һылтанма яһау мотлаҡ.
Мәҡәләләрҙең авторҙарының фекере менән сайт администрацияһының фекере тап килмәүе мөмкин.
Хаттар һәм мәҡәләләр temyas@yandex.ru адрестары буйынса ҡабул ителә.
Яндекс.Метрика